Bu gün Pakistanın baş naziri Şahbaz Şərif İranın Birləşmiş Ərəb Əmirliklərinə (BƏƏ) qarşı həyata keçirdiyi raket və pilotsuz uçuş aparatı hücumlarını kəskin şəkildə pisləyib.
Zefer.media xəbər verir ki, o, “X” hesabında etdiyi paylaşımda Pakistanın bu hücumları qətiyyətlə rədd etdiyini bildirib və BƏƏ prezidenti Məhəmməd bin Zayedlə həmrəy olduğunu vurğulayıb. Şərif BƏƏ hökumətinə və xalqına dəstəyini ifadə edib.
Baş nazir əlavə edib ki, Pakistan “qardaş BƏƏ-nin yanında möhkəm dayanır”.
Qeyd edək ki, Pakistan hazırda Tehran və Vaşinqton arasında aparılan atəşkəs danışıqlarında vasitəçi rolunu oynayır. BƏƏ ilə bağlı iqtisadi və diplomatik gərginlik fonunda regionda siyasi balans da həssas vəziyyətdə qalır.
Zərintac Mayisqızı
