İran Təhsil Nazirliyi BƏƏ və Küveytdə fəaliyyət göstərən yeddi İran məktəbinin bağlandığını açıqlayıb.
Zefer.media xəbər verir ki, həmin məktəblərdə oxuyan şagirdlər distant təhsilə yönləndiriliblər.
Nazirliyinin sözçüsü Əli Fərhadi deyib ki, bəzi şagirdlər təhsillərini Omandakı İran məktəblərinin nəzarəti altında davam etdirəcək. Digər şagirdlər isə birbaşa İrandakı məktəblər tərəfindən onlayn şəkildə təhsil alacaqlar.
BƏƏ-nin bu addımını tənqid edən Fərhadi bildirib ki, bu qərar təxminən 2 500 iranlı şagirdin ölkədən çıxarılmasına səbəb olub. Onun sözlərinə görə, Omanla koordinasiya əsasında həmin şagirdlər tədris ilinin sonuna qədər orada təhsillərini davam etdirəcəklər.
Nazirlik sözçüsü əlavə edib ki, hazırda Küveyt, Səudiyyə Ərəbistanı və BƏƏ də daxil olmaqla bir sıra ölkələrdə fəaliyyət göstərən İran məktəbləri artıq tam onlayn rejimə keçib və tədris ili virtual şəkildə başa çatdırılacaq.
Zərintac Mayisqızı
