Türkiyə olaraq, Antalya Diplomatiya Forumunu diplomatik əlaqə konsepsiyasının sərhədləri ilə məhdudlaşdırmırıq.
Zefer.media xəbər verir ki, bu fikirləri Türkiyə prezidenti Rəcəb Tayyib Ərdoğan Antalya Diplomatiya Forumunda çıxışı zamanı deyib.
“Bu təşkilatı dünyanın hara doğru getdiyi, bəşəriyyətin hansı dəyərlər ətrafında birləşə biləcəyi və hansı yeni qarşılıqlı fəaliyyət sahələrinin mövcud ola biləcəyi ilə bağlı dərin məsləhətləşmələrin aparıldığı intellektual platforma kimi görürük. Hamımız çox aydın şəkildə bilirik ki, bu gün diplomatiya artıq problemlərin, münaqişələrin və maraqların müzakirə olunduğu bir arena deyil. Diplomatiya həmçinin bəşəriyyətin ortaq gələcəyinin formalaşacağı prinsiplərin müzakirə edildiyi bir zəmindir”, – Türkiyə lideri vurğulayıb.
Zərintac Mayisqızı
