İran ABŞ-nin dəniz blokadasını davam etdirəcəyi təqdirdə Fars körfəzi, Oman körfəzi və Qırmızı dənizdə beynəlxalq ticarəti dayandıra biləcəyi barədə xəbərdarlıq edib.
Zefer.media xəbər verir ki, bunu bu gün SEPAH-ın Xatəmül-Ənbiya Qərargahı yayımladığı bəyanatda bildirib.
“ABŞ bölgədə qanunsuz dəniz blokadasını davam etdirərsə və İranın ticarət gəmiləri ilə neft tankerlərinin təhlükəsizliyini təhdid edərsə, İran silahlı qüvvələri sərt addımlar atacaq”, – deyə bəyanatda vurğulanıb.
Belə bir vəziyyətdə İran Fars körfəzində, Oman körfəzində və Qırmızı dənizdə heç bir ixrac və ya idxalın davam etməsinə icazə verməyəcək.
SEPAH ABŞ-ni “təcavüzkar və terrorçu” adlandıraraq, mümkün eskalasiyanın məsuliyyətinin Vaşinqtonun üzərinə düşəcəyini bildirib.
Zərintac Mayisqızı
