7 aprel 2026-cı il, çərşənbə axşamı günü Ukraynanın yanacaqdoldurma məntəqələrində qiymətlərin növbəti sıçrayışı müşahidə olunub.
Zefer.media Ukrayna informasiya agentliklərinə istinadən xəbər verir ki, cəmi bir gün ərzində A-95 markalı benzinin orta qiyməti 13 qəpik artaraq litr üçün 73,07 qrivnaya (təxminən 1,95 dollar) çatıb. Ən böyük artım isə dizel yanacağında qeydə alınıb; litri 42 qəpik bahalaşan dizel artıq 90,12 qrivnadan (təxminən 2,40 dollar) təklif olunur.
Digər yanacaq növləri üzrə rəsmi pərakəndə satış qiymətləri aşağıdakı kimidir:
A-95 (Premium): 76,94 UAH/l (15 qəpik artım)
A-92: 67,30 UAH/l (6 qəpik artım)
Avtoqaz: 48,98 UAH/l (14 qəpik artım)
Ekspertlər, Ukrayna bazarındakı bu bahalaşmanı qlobal enerji bazarlarındakı qeyri-müəyyənliklə əlaqələndirirlər. Xüsusilə Yaxın Şərqdə davam edən geosiyasi gərginlik və İsrail-ABŞ müharibəsi fonunda yaranan risklər dünya bazarında neftin qiymət dəyişkənliyini artıraraq daxili bazarlara birbaşa təsir göstərir.
Aytən Yalçınqızı
