ABŞ hərbi komandanları prezident Donald Trampa İrandan təxminən 450 kiloqram yüksək dərəcədə zənginləşdirilmiş uranı müsadirə etmək və çıxarmaq planını təqdim ediblər.
Zefer.media xəbər verir ki, bununla bağlı “The Washington Post” qəzeti iki mənbəyə istinadən məlumat yayıb.
Həmin planın İrana torpaqqazan avadanlıqların hava yolu ilə daşınmasını və İslam Respublikasından radioaktiv materialların daşınması üçün istifadə ediləcək yük təyyarələri üçün uçuş-enmə zolağının tikintisini nəzərdə tutduğu müəyyənləşdirilib.
Nəşrin məlumatına görə, plan Trampa ötən həftə onun xahişi ilə təqdim edilib. Bu, yüksək riskli xüsusi əməliyyatdır.
“Bu missiya radioaktiv materialların qazılması və bərpası üçün yüzlərlə və ya minlərlə əsgərin və ağır texnikanın hava yolu ilə daşınmasını tələb edə bilər”, – deyə qeyd olunub.
Zərintac Mayisqızı
