Müharibənin başlamasından sonra İranda hökumətin ilk iclasının bunkerdə keçirildiyi iddia edilib.
Zefer.media xəbər verir ki, İran mediasında yayımlanan görüntülər sosial şəbəkələrdə geniş müzakirələr yaradıb.
Dünən İranın hökumətə yaxın media resursları ölkə prezidenti Məsud Pezeşkianın iştirakı ilə Nazirlər Kabinetin ilk iclasının fotosunu yayımlayıb. Fotoda nazirlərin qapalı, yeraltı sığınacağa bənzər məkanda toplandığı görünür.
Görüntüdəki məkanın bunker və ya təhlükəsizlik məqsədi ilə hazırlanmış sığınacaq olması ehtimalı sosial media istifadəçilərinin diqqətini cəlb edib. İstifadəçilər bunun İran hakimiyyətinin mümkün hava zərbələri və təhlükəsizlik risklərinə görə yeraltı məkanlara çəkildiyini göstərdiyini qeyd edirlər.
Zərintac Mayisqızı
