Yaxın Şərqdəki münaqişə radioaktiv çirklənmə riskinə baxmayaraq, daha da şiddətlənməkdə davam edir.
Zefer.media xəbər verir ki, bunu Rusiya Xarici İşlər Nazirliyinin sözçüsü Mariya Zaxarova martın 28-də bildirib.
“Təcavüzkarlar, genişmiqyaslı radioaktiv çirklənmə təhlükəsi də daxil olmaqla, bütün əlaqəli risklərə baxmayaraq, Yaxın Şərqdəki müharibələrini artırmağa davam edirlər. 27 martda İrana hücum edən dövlətlər Xondabdakı ağır su kompleksinə və Ərdəkandakı uran konsentratı zavoduna hədəfli zərbələr endiriblər” , – o qeyd edib.
Sözçü əlavə edib ki, Buşehr nüvə elektrik stansiyası yaxınlığındakı zərbələr bundan qısa müddət sonra başlayıb. Onun sözlərinə görə, həmin hücumlar beynəlxalq hüququ pozur: “Bütün beynəlxalq ictimaiyyət tərəfindən ən sərt şəkildə qınanmağa layiqdir. Bundan əlavə, onlar həmçinin Nüvə Silahlarının Yayılmaması haqqında Müqaviləni, MAQATE-nin yoxlama mexanizmlərini və nüvə təhlükəsizliyi və mühafizəsi konvensiyalarını da pozur”.
Zərintac Mayisqızı
