İsrail Müdafiə Ordusu (SAXAL) bəyan edib ki, ötən gecə Tehran rayonunda İran rejiminin silah istehsalı obyektlərinə qarşı silsilə hava zərbələrini başa çatdırıb.
Zefer.media xarici mətbuata istinadən xəbər verir ki, mətbuat xidmətinin məlumatına görə, zərbələr hərbi kəşfiyyatın koordinasiyası ilə Hərbi Hava Qüvvələri tərəfindən endirilib. Hava və dəniz silahlarının istehsalı ilə məşğul olan müəssisələr hədəfə alınıb.
Qeyd olunur ki, həmin obyektlərdən həmçinin Yaxın Şərqdə İrana müttəfiq olan qruplaşmalar, o cümlədən HƏMAS, “Hizbullah” və digər təşkilatlar üçün nəzərdə tutulmuş silahların istehsalı üçün istifadə edilib.
Bundan əlavə, İsrail qüvvələri hava hücumundan müdafiə sistemlərinə və “yer-hava” tipli raketlərin buraxılış qurğusuna hücum edib.
SAXAL-dan vurğulayıblar ki, uzun illər ərzində yaradılmış istehsal imkanlarını sarsıtmaq məqsədilə İranın hərbi sənayesinə zərbələr endirməyə davam edəcəklər.
