Ermənistanda ölkə parlamenti Torpaq Məcəlləsinə düzəlişi yekun oxunuşda qəbul edib.
Zefer.media erməni mediasına istinadən xəbər verir ki, düzəlişə əsasən, Erməni Həvari Kilsəsi (EHK) torpaq sahələrini ödənişsiz şəkildə mülkiyyətinə almaq hüququndan məhrum edilir.
Qeyd olunur ki, dövlət və icma mülkiyyətində olan torpaq sahələrinin kilsəyə təmənnasız verilməsini nəzərdə tutan maddə qüvvədən düşüb. Yeni normalara görə, dövlət və bələdiyyə orqanları torpaq sahələrini kilsəyə mülkiyyət hüququ rəsmiləşdirilmədən, yalnız müddətsiz istifadə hüququ ilə verə biləcəklər.
