ABŞ Dövlət Departamenti bütün dünyada, xüsusilə Yaxın Şərqdə təhlükəsizlik təhdidlərinin artması ilə əlaqədar vətəndaşlarını diqqətli olmağa çağırıb.
Zefer.media xəbər verir ki, məlumat ABŞ Dövlət Departamentinin rəsmi saytında yerləşdirilib.
“Dövlət Departamenti bütün dünyada, xüsusilə Yaxın Şərqdə olan amerikalılara artan diqqət göstərməyi tövsiyə edir. Təhlükəsizlik xəbərdarlıqlarında, ABŞ səfirlikləri və konsulluqları tərəfindən verilən göstərişlərə əməl etmək zəruridir”, – deyə bəyanatda qeyd olunub.
Qeyd olunub ki, artıq bir neçə ABŞ diplomatik nümayəndəliyi, o cümlədən Yaxın Şərqdən kənarda, hücuma məruz qalıb. Dövlət Departamenti bildirir ki, ABŞ maraqlarını təmsil edən digər qurumlar da hücumlara məruz qala bilər.
