ABŞ, Səudiyyə Ərəbistanında olan vətəndaşlarına təhlükəsizlik səbəbilə ölkəni tərk etmələrini tövsiyə edib.
ABŞ-nin Riyad Səfirliyi tərəfindən yayımlanan yazılı açıqlamada, “ABŞ vətəndaşlarına təhlükəsiz şəkildə səyahət edə bilirlərsə, kommersiya uçuşları ilə Səudiyyə Ərəbistanından ayrılmalarını tövsiyə edirik” ifadəsi yer alıb.
Zefer.media ” TRT Xəbər” ə istinadən məlumat verir ki, açıqlamada, Səudiyyə Ərəbistanının hava məkanının davam edən raket və pilotsuz uçuş aparatı (PUA) təhdidləri səbəbilə tez-tez tətbiq olunan hava hərəkəti məhdudiyyətlərinə baxmayaraq açıq qaldığı bildirilib.
Riyad, Ciddə və Dammam hava limanlarının açıq və fəaliyyət göstərdiyi qeyd edilən açıqlamada, ABŞ vətəndaşlarının ölkədən təhlükəsiz şəkildə çıxmasının təşviq edildiyi vurğulanıb.
Səudiyyə Ərəbistanının ABŞ-İsrail hücumlarına cavab olaraq İrandan atılan raket və PUA hücumlarına məruz qaldığı iddia olunub.
Lalə Qurbanlı
