Qlobal transformasiya və enerji resursları uğrunda mübarizə, o cümlədən Yaxın Şərqdəki münaqişə son 40 ildə dünyanın ən böyük enerji böhranına səbəb olub.
Zefer.media xəbər verir ki, bunu Rusiya baş nazirinin müavini Aleksandr Novak bildirib.
Novak qeyd edib ki, son 30-40 ildə dünyada baş verən müharibələr əsasən enerji resursları uğrunda mübarizə ilə əlaqələndirilir:
“Məsələn, ABŞ-ın başlatdığı bütün son silahlı münaqişələrin bu və ya digər şəkildə bütün dünya üçün enerji baxımından vacib olan və enerji resurslarına malik ölkələrlə necə əlaqəli olduğu aydındır. Ən son nümunə İran, ondan əvvəl isə İraq, Küveyt, Suriya, Liviya və s.-dir”.
Baş nazirin müavini hesab edir ki, mövcud enerji böhranının nəticələri təkcə enerji çatışmazlığı və logistika nəqliyyat axınlarında pozuntular deyil, həm də qlobal ticarət bazarlarında qlobal dəyişiklikləri əhatə edir.
