Pentaqon müttəfiqlərin Çindən çəkindirmək strategiyasının bir hissəsi kimi Qərbi Avstraliyada genişlənən Stirlinq bazasına dörd nüvə sualtı qayığı yerləşdirməyi planlaşdırır.
Zefer.media xəbər verir ki, “The Wall Street Journal” (WSJ) nəşri ilk sualtı qayığın 2027-ci ildə orada dayanacağına dair məlumat verdi.
Kanberra Stirlinqdə təlim mərkəzi, radioaktiv tullantıların saxlanması anbarı, sualtı yanalmaların təkmilləşdirilməsi və enerji təchizatı üçün 5,6 milyard dollar ayırır. Ötən ilin sonunda dördüncü nəsil Virciniya sinfinə aid sualtı gəmi USS Vermont təxminən dörd həftə bazada yerləşib.
Amerika və Avstraliya personalı sualtı qayıqda müxtəlif texniki xidmət tapşırıqlarını yerinə yetirmək üçün birlikdə çalışıblar.
Avstraliyanın hakimiyyət orqanları Henderson şəhərinin Perth ətrafında təmir və gəmiqayırma zonası yaratmaq üçün artıq 8,4 milyard dollar ayırıb, bu zonaya əsaslı təmir işləri və ən geniş texniki qulluq üçün lazım olan quru dokların daxil olacağı gözlənilir.
Nəşr yazır ki, Qərbi Avstraliyada sualtı təmir və texniki xidmətin aparılması ABŞ Hərbi Dəniz Qüvvələrinə Cənubi Çin dənizi də daxil olmaqla potensial alov nöqtələrinə yaxın olmağa imkan verəcək.
Yeganə
