Ukrayna Prezidenti Vladimir Zelenski Türkiyə Prezidenti Rəcəb Tayyib Ərdoğana Ukraynaya göstərdiyi dəstəyə görə təşəkkür edib.
Zefer.media xarici KİV-lərə istinadən xəbər verir ki, Zelenski “X” sosial şəbəkəsində paylaşımında Türkiyənin Ukraynanın suverenliyi və ərazi bütövlüyünə möhkəm bağlılığının iki ölkə arasında münasibətlərin əsasını təşkil etdiyini bildirib.
“Türkiyənin Ukraynanın suverenliyi və ərazi bütövlüyünə möhkəm bağlılığı ölkələrimiz arasında görünməmiş dərəcədə güclü münasibətlərin təməlini təşkil edir”, – deyə Zelenski qeyd edib.
Ukrayna lideri, həmçinin Ərdoğanın şəxsi iştirakını və Türkiyənin ukraynalıların Rusiyanın əsirliyindən azad edilməsində, eləcə də sülhün yaxınlaşdırılması istiqamətində vasitəçilik səylərini xüsusi vurğulayıb.
Aytən Yalçınqızı
