Ermənistanın “Çiçəklənən Ermənistan” Partiyasının lideri Qaqik Sarukyana yeni ittihamlar irəli sürülüb.
Zefer.media Ermənistan KİV-lərinə istinadən xəbər verir ki, bu barədə ölkənin İstintaq Komitəsi məlumat yayıb.
Məlumata görə, yeni ittihamlar 2,5 milyon ABŞ dolları məbləğində hədə-qorxu ilə pul tələb etmə və çirkli pulların yuyulması faktları ilə bağlıdır.
Xatırladaq ki, oliqarx Qaqik Sarukyan iyulun 7-də iki ay müddətinə həbs edilib. Ona xüsusilə külli miqdarda dələduzluğa yardım etmə və cinayət yolu ilə əldə edilmiş vəsaitlərin leqallaşdırılması (çirkli pulların yuyulması) maddələri ilə ittiham irəli sürülüb.
Aytən Ağazadə
