Gecə ərzində Rusiyanın genişmiqyaslı atəşi nəticəsində iki Silpo paylama mərkəzində yanğınlar baş verib. Hücumlarda altı işçi həlak olub.
Zefer.media xəbər verir ki, bu barədə Ukrayna mediası məlumat yayıb.
“Son məlumata görə, altı işçi həlak olub. Yaralıların sayı hələ də dəqiqləşdirilir. Bu, hamımız üçün təsvir edilə bilməyən bir itkidir. Qurbanların ailələri ilə daim əlaqə saxlayırıq və bütün lazımi yardımı göstərməyə hazırıq. Qurbanların ailələrinə və dostlarına dərin hüznlə başsağlığı veririk”, – deyə bəyanatda vurğulanır.
Dövlət Fövqəladə Hallar Xidməti bildirib ki, Kiyev bölgəsində rusların gecə hücumu nəticəsində ölənlərin sayı 16-ya çatıb, daha 29 nəfər yaralanıb. Xilasedicilər hazırda atəşin nəticələrini aradan qaldırmağa davam edirlər.
Zərintac Mayisqızı
