ABŞ-nin Florida ştatında 21 yaşlı pilot-təlimatçı Emili Şelton mühərrikdə yaranan nasazlıq səbəbindən yüngülmühərrikli Piper PA-28 Cherokee təyyarəsini magistral yola uğurla endirib.
Zefer.media xarici KİV- ə istinadən xəbər verir ki, uçuş zamanı kabinədə yağ buxarı əmələ gəlib və mühərrikdə yağ təzyiqi kəskin şəkildə aşağı düşüb.
Vəziyyəti qiymətləndirən pilot hava limanına çatmağın mümkün olmadığını anlayaraq fövqəladə vəziyyət elan edib.
Emili Şelton təyyarəni Florida ştatındakı I-10 avtomagistralına təhlükəsiz endirməyə müvəffəq olub. O, eniş zamanı hərəkətdə olan avtomobillərdən və yol nişanlarından yayınaraq qəzanın qarşısını alıb.
Məlumata görə, hadisə zamanı təyyarədə pilotdan başqa ilk dərsinə çıxan bir kursant da olub. Xoşbəxtlikdən, insident nəticəsində xəsarət alan olmayıb.
Aytən Ağazadə
