Ukrayna Prezidenti Vladimir Zelenskinin keçmiş mətbuat katibi Yuliya Mendel keçmiş rəhbəri barədə sərt ifadələr səsləndirib.
Zefer.media xəbər verir ki, bu barədə “Minval” məlumat yayıb. Mendel müsahibəsində Zelenskinin hakimiyyətə gəlməsində ona kömək etdiyinə görə hər gün Tanrıdan üzr istədiyini bildirib. O, Zelenskini “alçaq” adlandırıb.
Mendel həmçinin Zelenskinin rusdilli insan olduğunu iddia edib. Onun sözlərinə görə, Ukrayna Prezidenti şəxsi ünsiyyətdə ukrayna dilində danışmır və böyük həcmdə məlumatı bu dildə çətin qavrayır.
“Telefon kitabçasının yarısı rusiyalılardır”, – deyə Mendel bildirib. O, Zelenskinin şəxsi söhbətlərdə ukrayna dilindən istifadə etmədiyini də iddia edib.
Qeyd edək ki, Mendel 2019–2021-ci illərdə Zelenskinin mətbuat katibi vəzifəsində çalışıb. Onun son açıqlamaları Ukrayna Prezidentinə qarşı əvvəlki tənqidi çıxışlarının davamı kimi təqdim olunur.
Qəmər Kazımzadə
