İyulun 1-nə keçən gecə Ukrayna Müdafiə Qüvvələri Ufadakı neft emalı zavoduna və Penzadakı hərbi zavoda zərbələr endirib.
Zefer.media xəbər verir ki, bu barədə Ukrayna Prezidenti Volodimir Zelenskinin “Telegram”ında bildirilib.
Zelenskinin sözlərinə görə, bu, Ukraynanın Rusiyanın uzun sürən müharibəsinə qarşı sanksiyalarının Rusiyanın ən böyük sürtkü yağları istehsalçılarından biri olan Ufa neft emalı zavoduna çatdığı ikinci haldır. Məsafə cəbhə xəttindən 1300 kilometrdən çoxdur.
Həmçinin Penza bölgəsində Ukrayna dronları rusların Ukraynaya zərbə endirmək üçün istifadə etdiyi raket silahları üçün komponentlərin hazırlanması və istehsalı ilə məşğul olan Rusiya hərbi-sənaye kompleksinin strateji obyektinə çatıb. Hədəfə qədər olan məsafə cəbhə xəttindən təxminən 600 kilometrdir.
Zelenski bütün bunların Rusiyaya verilən ədalətli cavab olduğunu diqqətə çatdırıb.
“Sülh lazımdır və Rusiya rəhbərliyi də bunu anlamalıdır. Rusiya müharibəsinə son qoymalıdır. Və Rusiya rəhbərliyinin bunun üçün bütün imkanları var”, – deyə prezident vurğulayıb.
Zərintac Mayisqızı
