Türkiyədə narkotiklə bağlı araşdırma çərçivəsində aralarında tanınmış aktyor, müğənni və keçmiş futbolçuların da olduğu 15 nəfər saxlanılıb.
Zefer.media xəbər verir ki, bu barədə “Minval” məlumat yayıb. Bakırköy Respublika Baş Prokurorluğunun göstərişi ilə İstanbul İl Jandarma Komandanlığı tərəfindən keçirilən əməliyyat zamanı 15 şübhəli saxlanılıb.
Saxlanılanlar arasında aktyor Aras Bulut İynemli, müğənni Sefo (Seyfullah Sağır), aktrisa Melis Sezen, Nilperi Şahinkaya, Hande Demir, keçmiş futbolçu Hasan Şaş, Melis İşiten, Yeliz Yeşilçimen, Anıl Durmuş, Hazal Filiz Küçükköse, Volkan Akçıray, Zeynep Akçıray, Eda Güzəclik, Sezer Çakır və Sayat Zurnacı yer alır.
Baş Prokurorluğun açıqlamasına görə, araşdırma narkotik və psixotrop maddələrin istifadəsi, istifadənin asanlaşdırılması və bunun üçün yer təmin edilməsi ilə bağlı şübhələr əsasında aparılır. Şübhəlilərin axtarışı, bioloji nümunələrinin götürülməsi və ifadələrinin alınması nəzərdə tutulub.
Qəmər Kazımzadə
