Türkiyə Müdafiə Nazirliyinə istinadən xəbər verir ki, Türkiyə Qara, Egey və Aralıq dənizlərində genişmiqyaslı hərbi təlimlərə başlayıb.
Zefer.media xəbər verir ki, bu barədə Türkiyə Müdafiə Nazirliyi bildirib.
Manevrlərdə Türkiyə Hərbi Dəniz Qüvvələri, Quru Qoşunları, Hərbi Hava Qüvvələri və Sahil Mühafizəsi qüvvələri yer alır.
Təlimlərdə ümumilikdə 120 gəmi və 50 təyyarə iştirak edir.
Manevrlər silahlı qüvvələrin müxtəlif qolları arasında koordinasiyanı və döyüş hazırlığını artırmaq məqsədi daşıyır. Təlimlər 9 aprelə qədər davam edəcək.
Türkiyə Prezidenti Rəcəb Tayyib Ərdoğan aprelin 3-də rusiyalı həmkarı Vladimir Putinlə telefon danışığı zamanı Qara dənizdə naviqasiya təhlükəsizliyinin təmin edilməsi məsələsini müzakirə edib.
Ərdoğan Putinə Qara dənizdə gəmilərə edilən hücumların regionun sabitliyinə xələl gətirdiyini deyib.
Türkiyə liderinin ofisinin açıqlamasında deyilir: “Prezident Ərdoğan qeyd edib ki, Rusiya-Ukrayna münaqişəsinin sülh yolu ilə həllinə nail olmaq üçün Türkiyənin səylərinə mane olmamaq vacibdir. Ankara bütün tərəflərə gərginliyi artıra biləcək addımlardan çəkinməyi tövsiyə edir”.
Ərdoğan həmçinin vurğulayıb ki, İranla münaqişə Rusiya-Ukrayna böhranı daxilində yeni gərginlik ocaqlarının yaranmasına səbəb olmamalıdır.
Zərintac Mayisqızı
