Bu gün ABŞ prezidenti Donald Tramp “Fox News” telekanalına müsahibəsində İranla müharibə və Tehrana qarşı tətbiq edilən iqtisadi təzyiqlər barədə danışıb.
Zefer.media xəbər verir ki, Tramp ABŞ-nin İrana qarşı maliyyə təzyiqlərinin böyük təsir göstərdiyini deyib.
“Onlara vurduğumuz maliyyə zərbələri çox ağırdır. Onları çox ciddi şəkildə vururuq. Heç kim indiyə qədər belə bir zərbə almayıb”, – deyə ABŞ prezidenti bildirib.
Ağ Ev rəhbəri İranı hazırda “iflasa doğru gedən ölkə” kimi xarakterizə edib.
“Doğru məqamda ya biz qalib gələcəyik, ya da onlar nəsə edəcəklər. Amma bilirsiniz, mən qalib gəlməyə qarşı deyiləm. Sadəcə elə bir qələbə istəyirəm ki, bunun üçün kağız üzərində imza atmağa ehtiyac olmasın”, – deyə Tramp əlavə edib.
Zərintac Mayisqızı
