Ermənistanın Baş naziri Nikol Paşinyan Rusiyanın yüksək vəzifəli rəsmilərinin Ermənistana qarşı verdiyi açıqlamalarda heç bir təhdid görməyib.
Zefer.media xəbər verir ki, o, bunu cümə axşamı keçirilən brifinqdə Rusiya ilə iqtisadi münasibətlərin yenidən nəzərdən keçirilməsi ilə bağlı fikirlərə cavab olaraq bildirib.
“Mən nə bu bəyanatlarda, nə də bizim bəyanatlarımızda heç bir təhlükə görmürəm. Bu, tərəflərin öz mövqelərini ortaya qoyduğu normal bir iş prosesidir. Bütün istiqamətlər üzrə konkret razılaşmalar əldə edildiyi üçün səfəri çox uğurlu hesab edirəm. Dinamik inkişaf edən münasibətlərimizin növbəti mərhələsindəyik”, – deyə Paşinyan əlavə edib.
Qeyd edək ki, Rusiya Baş nazirinin müavini Aleksey Overçuk əvvəllər verdiyi müsahibədə Cənubi Qafqaz Dəmir Yolu konsessiyasının başqa tərəfə verilməsi ilə bağlı müzakirələr, eləcə də İrəvanın Avropa İttifaqı ilə yaxınlaşma kursu fonunda iki ölkə arasında gələcək ticarət və iqtisadi münasibətlərlə bağlı suallar yarandığını söyləmişdi.
Zərintac Mayisqızı
