Son dövrlər bəzi insanlar bloqerlərin yaşamaq istədiyi həyatı yaşamaq, onların atdıqları hər addımı özləri də atmaq istəyirlər.
Həqiqətən anlamaq çətindir, bir çoxları niyə öz düşüncələri ilə hərəkət etmir, niyə kopyalamaq məşğuldurlar? “Qonşudan geri qalma” məsəli. Götürdükləri də müsbət əməllər olsa kaş….
Bilirsiniz ki, Bulvarda Yaz fəslinin gəlişi ilə əlaqədar bahar yarmarkası təşkil olunub. Ona görə demək olar ki, hamımız oraya gedirik, xeyli şəkil çəkirik. Bloqerlər də sözsüz həmin məkana gedir, çəkilişlər edir, xüsusilə o güllər olan hissədə.
Sosial media fenomenlərindən bildiyim qədəri ilə bir neçəsi həmin çiçəklərin əziləcəyini nəzərə almadan güllərin içində fotosessiya ediblər. Xanımların bir qismi də onları təkrarlayaraq həmin addımı atıblar. Nəticədə çiçəklərin olduğu hissə pis günə qalıb, əzik-üzük… Şəkil çəkdirməyin də qaydası var. Mədəniyyətdən uzaq, vəhşi davranışlar lazım deyil. Orada nəzarət də yaxşı olmalı idi, bir tərəfdən insanların özü şüurlu hərəkət etməlidir. Mədəni şəkildə güllərdən biraz məsafəli, onlara zərər vermədən durub foto çəkdirmək olmur? Yoxsa “filankəs çəkdirdi, mən geri qalmayım” düşüncəsi daha “zəruri”dir? Ehh…göstəriş üçün yaşamaq fikrini malik şəxslər necə də yazıqdır…
Müdriklərin təbirincə desək: “Yaxşıdan nümunə götür, yamandan ibrət”.
Zərintac Mayisqızı
