Madriddə yaşadığı evdən zorla çıxarılan 87 yaşlı Mari Karmen Abaskal xəstəxanada vəfat edib.
Zefer.media mənbələrə istinadən xəbər verir ki, Abaskal 1950-ci illərdən Retiro rayonundakı eyni mənzildə yaşayıb. Sentyabrın 23-də evdən çıxarılmasının qarşısını almaq cəhdlərindən sonra qadın xərəkdə xəstəxanaya aparılıb və bir daha evinə qayıtmayıb.
Onun işi İspaniyada geniş rezonans doğurub. Madriddə mənzil böhranına etiraz aksiyaları keçirilib, fəallar mənzil hüququ uğrunda mübarizəyə çağırış ediblər.
Abaskalın xəstəxanadan çıxdıqdan sonra yeni kirayə müqaviləsi ilə evinə qayıtması barədə razılıq əldə olunsa da, bu baş tutmayıb. O, 87 yaşında xəstəxanada vəfat edib.
Qəmər Kazımzadə
