ABŞ dövlət katibi Marko Rubio ilə görüşən Rusiyanın xarici işlər naziri Sergey Lavrov Moskvanın Ukrayna ilə bağlı mövqeyinin dəyişmədiyini bildirib.
Zefer.media xəbər verir ki, bu barədə Rusiya Xarici İşlər Nazirliyinə istinadən məlumat yayılıb. Görüş sentyabrın 23-də Nyu-Yorkda BMT Baş Assambleyasının 81-ci sessiyası çərçivəsində keçirilib.
Rusiya XİN-in məlumatına görə, Lavrov Moskvanın “xüsusi hərbi əməliyyatın məqsədlərinə” çatmaq niyyətini təsdiqləyib və bunu siyasi-diplomatik yollarla, “münaqişənin ilkin səbəblərinin aradan qaldırılması” əsasında etməyə hazır olduğunu bildirib.
Lavrov həmçinin Kiyev və onun Avropadakı müttəfiqləri arasında “sıx koordinasiya” olduğunu iddia edib.
Daha sonra BMT Təhlükəsizlik Şurasında çıxış edən Lavrov danışıqların istənilən formatında hərbi əməliyyatlara fasilə verməyəcəklərini bildirib.
Qəmər Kazımzadə
