Rusiya Dövlət Dumasının keçmiş deputatı Vasili Vlasov Vladimir Jirinovskinin keçmiş köməkçisi Aleksandr Safonovun həlak olduğunu bildirib.
Zefer.media “Minval”a istinadən xəbər verir ki, Vlasov sosial şəbəkə hesabında Safonovun avqustun 28-də öldüyünü yazıb.
“28 avqustda dostum və silahdaşım Aleksandr Safonov həlak oldu. Çoxunuz onu ‘Safonov, ödə!’ ifadəsinə görə xatırlayırsınız. Mən isə onu təxminən 10 ildir tanıyırdım”, – deyə Vlasov bildirib.
Məlumata görə, Safonov könüllü olaraq müqavilə imzalayıb və təxminən dörd il döyüşlərdə iştirak edib.
Safonov 2010-cu illərdə Vladimir Jirinovskinin alış-veriş zamanı “Safonov, ödə!” deməsini əks etdirən və sonradan sosial şəbəkələrdə geniş yayılan video sayəsində tanınıb.
Aytən Yalçınqızı
