Bu gün İran Xarici İşlər Nazirliyinin sözçüsü İsmayıl Bəqayi mətbuat konfransında ABŞ prezidenti Donald Trampın İranın ABŞ vətəndaşı Dena Kərrarinin azad etməsi ilə bağlı açıqlamasına münasibət bildirib.
Zefer.media xəbər verir ki, Bəqayi İranın məhkəmə sisteminin Trampın qeyd etdiyi xüsusiyyətlərə malik heç bir ABŞ vətəndaşının İran həbsxanalarından azad edilmədiyini təsdiqlədiyini deyib.
Onun sözlərinə görə, ABŞ prezidentinin bəhs etdiyi şəxs nə həbsdə olub, nə də casusluq ittihamı ilə üzləşib.
Xatırladaq ki, daha əvvəl ABŞ prezidenti Donald Tramp “Truth Social” platformasında paylaşım edərək İranın bir ABŞ vətəndaşının ölkəni tərk etməsinə icazə verdiyini bildirmiş və buna görə Tehrana təşəkkür etmişdi.
Zərintac Mayisqızı
