İran nümayəndə heyətinin İslamabaddakı danışıqlardan sonra Tehrana qayıtmasından bəri ABŞ tərəfi ilə Pakistan vasitəçiliyi ilə mesaj mübadiləsi davam edir.
Zefer.media xəbər verir ki, bunu İran Xarici İşlər Nazirliyinin sözçüsü İsmayıl Bəqayi bildirib.
“İran nümayəndə heyətinin Tehrana qayıtmasından bəri Pakistan vasitəsilə çoxsaylı mesajlar mübadiləsi aparılıb. Tehranın mövqeyi həm İslamabad danışıqları zamanı, həm də sonrakı fikir mübadiləsi prosesində açıq şəkildə bəyan olunub”, – o deyib.
Nazirlik rəsmisi qeyd edib ki, bu gün Tehranın Pakistandan bir nümayəndə heyətini qəbul etməsi ehtimal olunur.
Bəqayi əlavə edib ki, həmin səfər İslamabadda keçirilən danışıqların davamı və Pakistan tərəfinin ABŞ ilə apardığı məsləhətləşmələrin nəticəsi kimi qiymətləndirilir. Görüş zamanı tərəflərin mövqelərinin daha detallı şəkildə müzakirə olunacağı bildirilib.
Zərintac Mayisqızı
