İran və Körfəz Əməkdaşlıq Şurasına (KƏŞ) üzv ölkələr Hörmüz boğazından gəmiçiliyin müvəqqəti tənzimlənməsi ilə bağlı sazişi müzakirə etməyə hazırlaşır.
Zefer.media “Financial Times”a istinadən xəbər verir ki, KƏŞ-ə üzv altı ölkənin xarici işlər nazirləri İranın xarici işlər naziri Abbas Əraqçı ilə sentyabrın 14-də Omanın Salalah şəhərində görüşməyi planlaşdırır.
Məlumata görə, görüş Oman və İranın təşəbbüsü ilə keçiriləcək.
Təklif olunan müvəqqəti razılaşmaya əsasən, gəmilərin İran ərazi sularından keçərək Hörmüz boğazına daxil olması və əsasən Oman ərazisi istiqamətindən çıxması nəzərdə tutulur. Körfəz ölkələri isə razılaşmanın müvəqqəti xarakter daşımasına və gəmiçiliyin maneəsiz davam etməsinə təminat almağa çalışır.
Zərintac Mayisqızı
