İranın xarici işlər naziri Abbas Əraqçi bildirib ki, diplomatiya İranın nüvə proqramı ilə bağlı məsələlərin həllinin yeganə yoludur.
Zefer.media xəbər verir ki, byu barədə İranın “Mehr” agentliyi məlumat yayıb.
O, əlavə edib ki, cümə axşamı Cenevrədə Stiv Uitkoff ilə görüşəcək. Əraqçi deyib ki, onun rəhbərlik etdiyi İran danışıqlar qrupu potensial razılaşma üçün çərçivə hazırlamaq üzərində işləyir.
“Qarşılıqlı faydalı yanaşma əsasında diplomatik həll üçün yaxşı şans hələ də var”, -deyə o, vurğulayıb.
İran komandasının iki-üç gün ərzində təklif layihəsini təqdim edib-etməyəcəyi ilə bağlı suala Əraqçi deyib: “Biz hələ də bunun üzərində işləyirik… biz onu hər iki tərəfin maraqlarını nəzərə alan elementləri özündə birləşdirən bir layihə etməyə çalışırıq.
Yəqin ki, bu cümə axşamı Cenevrədə görüşəndə biz bu elementlər üzərində işləyə, yaxşı mətn hazırlaya və tez bir zamanda razılığa gələ biləcəyik. İnanıram ki, bu, tamamilə mümkündür”, – deyə Əraqçi əlavə edib.
Yeganə
