Qırğızıstanın paytaxtı Bişkekdə Şanxay Əməkdaşlıq Təşkilatının (ŞƏT) Dövlət Başçıları Zirvə Toplantısında iştirak etmək üçün səfərdə olan Türkiyə Prezidenti Rəcəb Tayyib Ərdoğan İris Ordo Konqres Mərkəzində Zirvə Toplantısına ev sahibliyi edən Japarovla görüşüb.
Zefer.media xəbər verir ki, görüşdə Türkiyə ilə Qırğızıstan arasında ikitərəfli münasibətlər, eləcə də regional və qlobal məsələlər müzakirə olunub.
Ərdoğan Türkiyə və Qırğızıstanın enerji, müdafiə sənayesi, ticarət və investisiyalar da daxil olmaqla bir çox sahədə əməkdaşlığı inkişaf etdirmək potensialına malik olduğunu və buna nail olmaq üçün addımlar atmağa davam edəcəklərini bildirib.
Türkiyə və Qırğızıstanın təhlükəsizlik və terrorizmə qarşı mübarizədə həmrəyliyini davam etdirməsinin və gücləndirməsinin vacib olduğunu deyən Türkiyə lideri, Qırğızıstan Prezidenti Japarovu Şanxay Əməkdaşlıq Təşkilatının Zirvə Toplantısına və Dünya Köçəri Oyunlarına ev sahibliyi etməsi münasibətilə təbrik edib və onu Türkiyədə keçiriləcək Türk Dövlətləri Təşkilatının Zirvə Toplantısına və COP31-ə dəvət edib.
Görüşdə həmçinin Türkiyə xarici işlər naziri Hakan Fidan, gənclər və idman naziri Osman Aşkın Bak, milli müdafiə naziri Yaşar Güler, Böyük Millət Məclisinin sədr müavini və MHP-nin İstanbul millət vəkili Cəlal Adan, Prezident Aparatının kommunikasiya direktoru Burhanəddin Duran, Türk Dövlətləri Təşkilatının (TDA) Ağsaqqallar Şurasının sədri Binəli Yıldırım və AK Partiyanın sədr müavini Halit Yerebakan iştirak ediblər.
Zərintac Mayisqızı
