Bu gün İranın xarici işlər naziri Abbas Əraqçı İsraili ABŞ-də genişmiqyaslı təsir kampaniyası aparmaqda və Amerika vergi ödəyicilərinin vəsaitindən istifadə edərək tənqidçiləri susdurmağa çalışmaqda ittiham edib.
Zefer.media xəbər verir ki, Əraqçı “X” hesabında İsrailin ABŞ prezidenti Donald Trampın keçmiş seçki kampaniyası meneceri Bred Parskeyli mühafizəkar auditoriyanı hədəf alan informasiya kampaniyası üçün işə götürdüyünə dair xəbərlərə münasibət bildirib.
“Amerikalılara kənar təsir barədə xəbərdarlıq edilir. Bəs ABŞ administrasiyasını öz seçimi ilə məğlubiyyətə uğrayan müharibəyə cəlb etmək məqsədi daşıyan İsrailin genişmiqyaslı kampaniyası necə olacaq?”, – deyə o yazıb.
Nazir daha sonra əlavə edib: “Daha da pisi: İsrail ABŞ-ni tənqid edənləri susdurmaq üçün Amerika vergi ödəyicilərinin pulundan istifadə edir. Hər şey tezliklə iflasa uğrayacaq”.
Zərintac Mayisqızı
