Belarus prezidenti Aleksandr Lukaşenko bildirib ki, dünya yeni silahlanma yarışına, o cümlədən nüvə silahı yarışına çəkilir.
Zefer.media-nın xəbərinə görə, Lukaşenko xatırladıb ki, 2026-cı ildə Böyük Vətən Müharibəsinin başlanmasının 85 illiyi tamam olacaq, o zaman ölkə SSRİ xalqlarının böyük itkilər bahasına keçdiyi ağır sınaqlarla üzləşib.
O, Vətən Müdafiəçiləri və Silahlı Qüvvələr Günü münasibətilə dövlət mükafatlarının təqdim edilməsi mərasimində çıxış edərək qeyd edib ki, hazırkı beynəlxalq vəziyyət bir çox cəhətdən həmin çətin dövrü xatırladır.
Onun sözlərinə görə, Qərb ölkələri bilərəkdən hərbi ritorikanı gücləndirir, NATO ölkələrinin müdafiə büdcələrini artırır, Avropanın, o cümlədən Belarusun qonşularının hərbiləşdirilməsini sürətləndirir.
Lukaşenko ümumavropa təhlükəsizliyini təmin edən əvvəlki nəzarət və tarazlıq sisteminin məhvinə də işarə edib. O, dünyanın növbəti təhlükəli silahlanma yarışına, o cümlədən nüvə sferasına cəlb olunduğu fikrini bildirib.
Yeganə
