Kiyev Macarıstanda enerji böhranı törətmək cəhdlərini dayandırmayana qədər Macarıstan hökuməti Avropa İttifaqının (Aİ) Ukrayna üçün əlverişli qərarlarını dəstəkləməyəcək.
Zefer.media xəbər verir ki, bu barədə Macarıstanın Baş naziri Viktor Orbanın Avropa Şurasının sədri Antonio Kostaya məktubunda deyilir.
Bundan əvvəl Aİ lideri Macarıstanın “Drujba” boru kəməri ilə Rusiya neftinin tədarükünü bərpa etməkdən imtina etdiyinə görə, Aİ-nin Ukraynaya 90 milyard avroluq “müharibə krediti”ni əngəlləmək qərarından narahatlığını ifadə edib. Budapeşt hesab edir ki, Kiyev sırf siyasi mülahizələrdən çıxış edərək hazırkı Macarıstan hökumətini sarsıtmağa çalışır.
“Faktlar təkzibedilməzdir: “Drujba” boru kəməri ilə Macarıstana neft tədarükünün bərpası üçün heç bir texniki maneə yoxdur. Tələb olunan tək şey Ukraynanın siyasi qərarıdır.
Bildiyiniz kimi, mən Avropa Şurasının ən intizamlı və ardıcıl üzvlərindən biriyəm. Mən sizin narahatlıqlarınızı tam başa düşürəm. Eyni zamanda, siz vəziyyətin absurdluğunu görməlisiniz: biz Ukrayna üçün maliyyə baxımından sərfəli qərar qəbul edirik, mən bunu dəstəkləmirəm, sonra da Ukrayna Macarıstanda enerji böhranı yaradır və məndən heç nə olmamış kimi davranmağımı xahiş edirsiniz
Bu, mümkün deyil. Vəziyyət normallaşana qədər mən Ukrayna üçün əlverişli olan heç bir qərarı dəstəkləyə bilmərəm”, – deyə baş nazir fikirlərini yekunlaşdırıb.
Yeganə
