Çin Şanxay Əməkdaşlıq Təşkilatını (ŞƏT) “Bir kəmər, bir yol” təşəbbüsünün yüksək keyfiyyətli birgə tikintisi və Qlobal İnkişaf Təşəbbüsünün həyata keçirilməsi üçün prioritet hesab edir.
Zefer.media xəbər verir ki, bunu Çin Prezidenti Si Cinpin ŞƏT+ formatında keçirilən görüşdə çıxış edərkən bildirib.
Onun sözlərinə görə, Çin ŞƏT-i qlobal təhlükəsizlik təşəbbüsünün həyata keçirilməsi üçün vacib platformaya çevirməyə kömək etməyə və Qlobal Sivilizasiya Təşəbbüsünün həyata keçirilməsi üçün bütün tərəflərlə işləməyə hazırdır.
Pekin həmçinin Qlobal İdarəetmə Təşəbbüsünün həyata keçirilməsində əməkdaşlıq modelinin yaradılmasında ŞƏT-i dəstəkləyir.
Çin lideri bildirib: “Qoy ŞƏT-in qüvvələri ümumi Avrasiya qitəsində rifahın hərəkətverici qüvvəsinə çevrilsin”.
O, ŞƏT-in Avrasiya ölkələrinin birgə inkişafı və üzləşdiyi çətinliklərin öhdəsindən gəlmək üçün əsas platformalardan birinə çevrildiyini vurğulayıb.
Zərintac Mayisqızı
