“Rusiya ilə Ukrayna arasında davam edən danışıqlar prosesinin hələ ki müsbət nəticə verməsi inandırıcı deyil. Çünki tərəflərin qəbul etmədiyi ziddiyyətli məqamlar var. Ona görə də, Cenevrə danışıqlarında nəticə əldə olunmadı”.
Bunu Zefer.media-ya açıqlamasında Ədalət, Hüquq, Demokratiya (ƏHD) Partiyası İdarə Heyətinin üzvü, siyasi şərhçi Əli Zülfüqaroğlu deyib.
Onun sözlərinə görə, danışıqlar prosesinin dalana dirənməsi əsasən ərazi məsələləri və təhlükəsizlik təminatları ilə bağlıdır:
“Rusiya əvvəllki şərtlərindən geri çəkilmir. Xüsusilə, Donbasın boşaldılması ilə bağlı irəli sürdüyü şərtlərdə prinsipiallıq nümayiş etdirir. Ukrayna isə bundan imtina edir. Zelenski döyüşün davam etdirilməsini prioritet sayır və Avropa İttifaqının (Aİ) geri çəkilməməsi üçün davamlı təzyiq göstərir”.
Əli Zülfüqaroğlu əlavə edib ki, Avropa İttifaqı da müharibənin davam etdirilməsində maraqlıdır: “Ona görə də növbəti dəfə Ukraynaya 90 milyard dollarlıq yardım göstəriləcək.
ABŞ isə yalnız Ukraynanın ərazi güzəştlərinə getməsi üçün Ukraynaya təzyiq göstərir. Zelenskidə bununla bağlı narazılığını açıq şəkildə ifadə etdi. Bu da onu deməyə əsas verir ki, danışqlar prosesinin hələ ki perspektivi yoxdur, cəbhədəki vəziyyət gələcək perspektivləri müəyyənləşdirəcək”.
Yeganə
