İyulun əvvəlindən bəri münaqişənin gərginləşməsi nəticəsində Yəməndə 85 mindən çox insan evlərini tərk etmək məcburiyyətində qalıb.
Zefer.media BMT agentliyi olan Beynəlxalq Miqrasiya Təşkilatına (IOM) istinadən xəbər verir ki, qurum “Yəməndə vəziyyətin saatbasaat pisləşməsi ilə əhalinin məcburi köçürülməsi böhranı” barədə xəbərdarlıq edir.
Təşkilatın açıqlamasında deyilir: “Ərəb dünyasının ən kasıb ölkəsi olan Yəməndə məcburi köçkünlərin sayı 85.818 nəfərə çatıb. Bu rəqəm son günlərdə (təkcə sentyabrın əvvəlindən bəri qərb sahilində davam edən döyüşlər fonunda 82.164 nəfərə qədər evlərini tərk edib) kəskin şəkildə artıb”.
Son üç gündə məcburi köçkünlərin sayı təxminən iki dəfə artıb.
11 sentyabrda BMqT 46.000 qaçqın olduğunu bildirib.
Qərb sahili boyunca cəbhə xəttində döyüşlərin sürətlə artdığı qeyd olunur. Vəziyyət ən ağırdır və təxminən 56.000 insan evlərini tərk edib. Növbəti yerdə 19.000-dən çox insanın didərgin düşdüyü Lahc əyalətidir. Hodeyda əyalətində isə 8.000-dən çox didərgin düşmə qeydə alınıb.
BMT-nin məlumatına görə, davam edən döyüşlər səbəbindən yollar getdikcə əlçatmaz hala gəlir və təsirlənmiş ərazilərdə rabitə kəsintiləri davam edir ki, bu da insanlara çatmağı və onların ehtiyaclarını qiymətləndirməyi çətinləşdirir.
Bəyanatda deyilir: “BMqT humanitar yardımların təhlükəsiz və maneəsiz şəkildə çatdırılmasına və bütün tərəfləri mülki şəxsləri, humanitar işçiləri və yardımın çatdırılması üçün lazım olan yükləri, nəqliyyat vasitələrini və obyektləri qorumağa çağırır”.
Krallıqla sərhəd bölgələrinə hakim olan şiə hərəkatı Ənsar Allah (Husilər) Yəmən ərazisinə edilən hücumlara cavab olaraq, iyul ayından bəri demək olar ki, hər gün Səudiyyə Ərəbistanının cənubunu atəşə tutur.
Zərintac Mayisqızı
