Bakı-Tiflis-Bakı marşrutu üzrə hərəkət edən sərnişin qatarında komfort və komfort+ siniflərində səyahət edən sərnişinlər çəkisi 23 kiloqramdan, lüks sinifdə isə 30 kiloqramdan çox olmayan 1 ədəd baqajı ödənişsiz daşıya bilərlər.
Bu barədə Zefer.media-ya Azərbaycan Dəmir Yolları QSC-dən məlumat verilib.
Bildirilib ki, pulsuz aparıla bilən əşyalara qatlanan uşaq arabası da daxildir. Komfort+ kupesini tam bron edən sərnişinlər isə uşaq arabalarını həm də açıq vəziyyətdə daşıya bilərlər.
