Bu ilin yanvar-fevral aylarında Azərbaycan və İran arasında ticarət dövriyyəsinin dəyəri 117 milyon 646 min ABŞ dolları təşkil edib.
Zefer.media xəbər verir ki, bu barədə Dövlət Gömrük Komitəsi məlumat yayıb.
Bildirilib ki, bu, ötən ilin eyni dövrü ilə müqayisədə 12,7 % çoxdur.
Son bir ildə Azərbaycanın İrana ixracının dəyəri 2,1 % azalaraq 2 milyon 373 min ABŞ dolları, bu ölkədən idxalının dəyəri isə 13,1 % artaraq 115 milyon 272 min ABŞ dollar olub.
Hesabat dövründə İranla ticarət ümumi dövriyyənin 1,8 %-ə qədər çatdığı vurğulanıb. O cümlədən, İrana ixracın ümumi ixracın 0,1 %-ni, İrandan idxalın isə ümumi idxalın 4,4 %-ni təşkil etdiyi açıqlanıb.
