Azərbaycanın Fövqəladə Hallar Nazirliyi (FHN) ölkə ərazisində gözlənilən leysan yağışları və sel təhlükəsi ilə bağlı əhaliyə xəbərdarlıq edib.
Zefer.media xəbər verir ki, sentyabrın 1-i gündüz saatlarından sentyabrın 2-si axşam saatlarınadək Azərbaycanın dağlıq və dağətəyi rayonlarında yağış, bəzi yerlərdə leysan, şimşək və dolu gözlənilir. Çaylarda sululuğun artması və qısamüddətli sel hadisələrinin baş verməsi ehtimal olunur.
FHN vətəndaşlara çaylardan, yamaclardan, elektrik xətlərindən, reklam lövhələrindən və hündür ağaclardan uzaq durmağı tövsiyə edib. Sel və ya daşqın təhlükəsi yarandığı halda daha hündür əraziyə qalxmaq tövsiyə olunur.
Təhlükə zamanı 112 nömrəsinə zəng etmək lazımdır.
