ABŞ-nin İrana hücumları iki həftə müddətinə dayandırmağa razılaşmasından sonra kəskin şəkildə ucuzlaşan neft qiymətləri yenidən artım göstərməyə başlayıb.
Zefer.media xarici mətbuata istinadən xəbər verir ki, cümə axşamı səhəri Asiya bazarlarında qiymətlərdə cüzi yüksəliş müşahidə olunub. Qlobal etalon olan Brent markalı xam neftin qiyməti 2,2% artaraq bir barel üçün 96,70 dollara yüksəlib. ABŞ-də ticarət edilən neft isə 2,8% bahalaşaraq 96,90 dollara çatıb.
ABŞ prezidenti Donald Trampın açıqlamasından sonra Brent neftinin qiyməti əvvəlcə 8 aprel tarixində 15% azalaraq bir barel üçün 92 dollardan bir qədər aşağı düşmüşdü. Lakin günün sonlarına doğru qiymətlər qismən bərpa olunub.
Bununla belə, hazırkı qiymətlər hələ də 28 fevralda münaqişə başlamazdan əvvəlki səviyyədən yüksəkdir. Həmin dövrdə neftin bir bareli təxminən 70 dollar təşkil edirdi.
Aytən Yalçınqızı
