Rusiya alimləri Xəzər hövzəsində əvvəllər məlum olmayan iki yeni xul balığı növü aşkar ediblər. Bunlar Xəzər başbalığı və skif xul balığıdır.
Zefer.media “Minval”a istinadən xəbər verir ki, yeni növlər genetik analiz vasitəsilə müəyyən edilib. Başbalığın yeni növü Qazaxıstan sahillərində aşkarlanıb və indiyədək cəmi iki fərd qeydə alınıb.
Skif xul balığının isə Qara dənizdə yaşayan növlərlə genetik əlaqəsinin olduğu müəyyənləşib. Alimlərin fikrincə, bu, təxminən 2,1 milyon il əvvəl Qara dənizlə Xəzər dənizi arasında mövcud olmuş əlaqəni təsdiqləyir.
Aytən Yalçınqızı
