Avropa İttifaqı ticarət marşrutu infrastrukturunun tikintisini dəstəkləməyə hazırdır.
Zefer.media xəbər verir ki, bunu Avropa Komissiyasının prezidenti Ursula fon der Leyen İrəvanda keçirilən ilk Ermənistan-AB sammitində bildirib.
Onun sözlərinə görə, Ermənistan Orta Asiyaya və Xəzər dənizinə ən qısa yoldur.
“Bu, indi sizin sülh və Avropa şəbəkələri ilə daha geniş inteqrasiya üçün cəsarətli seçiminiz sayəsində dəyişir. Bu, Ermənistanın yeni ticarət yolları, xüsusən də vacib xammal üçün regional mərkəzə çevrilməsinə kömək edə bilər”, – Leyen qeyd edib.
Onun sözlərinə görə, Avropa Ermənistana fiziki infrastrukturun qurulması da daxil olmaqla, kömək etməyə, yerli enerji istehsalına və elektrik şəbəkələrinə investisiya qoymağa, həmçinin Ermənistanın rəqəmsal məkanının Aİ-yə inteqrasiyasına töhfə verməyə hazırdır.
Zərintac Mayisqızı
