ABŞ-nin Miçiqan ştatında F-16 qırıcısı təlim uçuşu zamanı qəzaya uğrayıb.
Zefer.media xəbər verir ki, bu barədə “Minval” məlumat yayıb. Hadisə Qrand Traverse dairəsinin Blair qəsəbəsi yaxınlığında, County Road 633 və Blair Townhall Road ərazisində baş verib. ABŞ-ın Texas Milli Qvardiyasına məxsus F-16-nın təlim missiyası həyata keçirdiyi bildirilib.
Qəza zamanı pilot təyyarədən katapult edib və xəstəxanaya çatdırılıb. Onun vəziyyətinin stabil olduğu, hadisə nəticəsində başqa xəsarət alan şəxslərin qeydə alınmadığı bildirilir.
Qəza ərazisində təhlükəli kimyəvi maddə sızması səbəbindən yaxınlıqdakı sakinlərin təxliyəsi həyata keçirilib. Hadisənin səbəbləri araşdırılır. İlkin məlumatlara görə, təyyarənin quşla toqquşması ehtimalı da nəzərdən keçirilir.
Qəmər Kazımzadə
