Vaşinqton iki ölkə arasında əməkdaşlığa görə Belarus Prezidenti Aleksandr Lukaşenkoya minnətdarlığını bildirir.
Zefer.media xəbər verir ki, bu barədə ABŞ Prezidentinin Belarus üzrə xüsusi nümayəndəsi Con Koul deyib.
“Biz Polşa, Moldova və Rumıniyaya əvəzsiz dəstəyə görə, eləcə də Prezident Lukaşenkoya ABŞ ilə konstruktiv şəkildə əməkdaşlıq etmək istəyinə görə təşəkkür edirik”, – Koul qeyd edib.
Trampın xüsusi nümayəndəsi vurğulayıb ki, o və komandası üç Polşa və iki Moldova vətəndaşının azad edilməsinə kömək edib. Koul Prezident Trampın, Dövlət katibinin Şərqi Avropa və Regional Məsələlər üzrə müavini Kristofer Smitin və Dövlət Departamentindəki əməkdaşlarının şəxsi töhfələrini yüksək qiymətləndirib.
Nümayəndə yekun olaraq əlavə edib ki, Prezident Trampın rəhbərliyi altında ABŞ diplomatik qələbələr qazanaraq müttəfiqlərinə yardımçı olur.
Qeyd edək ki, Aprelin 17-də Lukaşenko ABŞ ilə böyük bir razılaşma və Amerika lideri Donald Trampla görüşmək ehtimalı barədə danışıb.
Zərintac Mayisqızı
