Dünya

İran Bəhreyndəki ABŞ radar sistemini hədəf aldığını açıqlayıb

17 Noyabr 2026, 11:562
Zefer.MediaReklam728x90
Zefer.MediaReklam320x100

İran İslam İnqilabı Keşikçiləri Korpusu ölkənin hava məkanının ABŞ-yə məxsus pilotsuz uçuş aparatları (PUA) tərəfindən pozulmasına cavab olaraq, Bəhreyndə yerləşən Şeyx İsa Hava Bazasında ABŞ-yə məxsus radar sisteminin hədəf alındığını bildirib.

Zefer.media TRT Haber-ə istinadən xəbər verir ki, İnqilab Keşikçiləri Korpusunun yazılı açıqlamasına görə, səhər saatlarında keçirilən dəqiq əməliyyat zamanı sözügedən hava bazasının radar sistemi vurulub.

Açıqlamada bildirilib ki, İran hava məkanının ABŞ-yə məxsus PUA-lar tərəfindən davamlı şəkildə pozulmasına cavab olaraq, bu ölkəyə məxsus MQ və RQ-170 tipli pilotsuz uçuş aparatlarının elektron müharibə sistemləri vasitəsilə ələ keçirilməsi əməliyyatının davamı olaraq Bəhreyndə yerləşən Şeyx İsa Hava Bazasındakı radar sistemi PUA-larla hədəfə alınıb.

İnqilab Keşikçiləri Korpusu, həmçinin hava məkanının pozulmasının cavabsız qalmayacağı barədə xəbərdarlıq edib.

 

Lalə Qurbanlı

Zefer.MediaReklam728x90
Zefer.MediaReklam320x100
Zefer.MediaReklam160x600
Zefer.MediaReklam160x600