“Tesla” şirkətinin baş direktoru İlon Mask Texas ştatındakı zavodda Cybertruck modelinin istehsalının tədricən azaldılacağını və diqqətin özünüidarəetmə texnologiyasına malik Cybercab avtomobillərinə yönəldiləcəyini bildirib.
Zefer.media BBC-yə istinadən xəbər verir ki, Cybertruck modeli yalnız “Tesla”nın Ostində yerləşən zavodunda istehsal olunur.
Mask istehsalın başqa məkana köçürüləcəyini, yoxsa tamamilə dayandırılacağını dəqiqləşdirməyib.
2023-cü ildə təqdim olunan elektrik pikapı ictimaiyyət tərəfindən birmənalı qarşılanmayıb. Bəziləri onun fərqli dizaynını bəyənsə də, digərləri avtomobilin xarici görünüşünü tənqid edib.
Bundan əlavə, Cybertruck zəif satış göstəriciləri, keyfiyyət problemləri və bir sıra geri çağırılma halları ilə üzləşib.
Aytən Yalçınqızı
