Rusiyanın Udmurtiya Respublikasında yerli hakimiyyət orqanlarının nümayəndələri səfərbərlik şəraitində fəaliyyətə hazırlıq üzrə təlim keçəcəklər.
Zefer.media “Nexta Tv” yəistinadən xəbər verir ki, məmurlara müəssisələrin hazırlanması, səfərbərlik ehtiyacları üçün ehtiyatların yaradılması, əhalinin təchizatı və iqtisadiyyatın hərbi rejimə keçirilməsi qaydaları öyrədiləcək.
Təlim zamanı həmçinin hərbi uçot, ehtiyatda olan hərbçilərin bronlaşdırılması və dövlət sirrinin qorunması məsələləri izah olunacaq.
48 akademik saat üçün nəzərdə tutulan kurs dekabrın 5-də başa çatacaq. Təlimdən sonra məmurların bilikləri yoxlanılacaq.
“The Wall Street Journal” yayda Qərb kəşfiyyatına istinadən Rusiya hərbçilərinin regionların yeni səfərbərlik dalğasına hazırlığını yoxladığını yazmışdı. İyunda Volqoqrad vilayətində də analoji təlimlərin keçirildiyi bildirilmişdi.
Aytən Yalçınqızı
